લ્યો, આ પડ્યા નવરા ને તમે યાદ આવ્યા,
દિવસે થયા ઉજાગરા ને તમે યાદ આવ્યા.

મને મંઝીલને પામવાની ઘણી હોંશ છે,
રસ્તા વચ્ચે પડ્યો ભૂલોને તમે યાદ આવ્યા.

સાહિત્ય ને મારે તો સાત ગાઉં નું છેટું છે,
લો આ સાંભળી ગઝલને, તમે યાદ આવ્યા.

લોકો કહે છે કે તમે બહુ મિતભાષી છો,
અમે રહ્યા જરાં મૌન ને તમે યાદ આવ્યા.

અમે તો તરસીયે છીએ તમારા આવાજ ને,
આ કોઈએ દીધો ટહુકોને તમે યાદ આવ્યા.

ગમગીની સાથી છે આ સૌ પ્રેમીઓની ,
અમે પડ્યા એકલા ને તમે યાદ આવ્યા.

હરેશ ને શાં માટે યાદ એવો છો ફરી ફરી ને,
આ ભૂલવા બેઠો તમને ને તમે યાદ આવ્યા.