મારા દરેક વિચારમાં વિહરતી તું છે,
શ્વાસમાં તું છે ને ધબકારમાં પણ તું છે.

નજર ઉઠાવીને જોઉં તો દ્રષ્ટિમાં તું છે,
બંધ આંખે જો જોઉં તો સ્વપ્નમાં તું છે.

દરેક યાદ માં સંભારણું બની આવતી તું છે.
ક્ષિતિજે ડૂબતા સૂરજની સંધ્યામાં તું છે.

ખળખળ વહેતી નદીઓના પ્રવાહમાં તું છે,
પર્વતની સ્થિરતામાં સ્થાયી થયેલી તું છે.

પંખીઓના કલરવમાં હસતી તું છે,
વાદળોનાં ગડગડાટમાં રમતી તું છે.

સમયની વીતતી દરેક પળમાં તું છે,
ઇતિહાસના સોનેરી પન્નાને શણગારતી તું છે.

લોહીના રક્તકણોમાં ભ્રમણ કરતી તું છે,
હરેશના હાથે ગઝલ બની લખાયા કરતી તું છે.